s
ԱՐՎԵՍՏ խաղ+գիրք
ԱՐՎԵՍՏ խաղ+գիրք (1)ԱՐՎԵՍՏ խաղ+գիրք (2)ԱՐՎԵՍՏ խաղ+գիրք (3)ԱՐՎԵՍՏ խաղ+գիրք (4)ԱՐՎԵՍՏ խաղ+գիրք (5)
Փաթեթում՝
  • 94 խաղաքարտ
  • Գիրք (40 էջ)

ԱՐՎԵՍՏ խաղ+գիրք

9,500 դր.

2,850 բոնուս

ԽԱՂԱ, ՃԱՆԱՉԻՐ, ՈԳԵՇՆՉՎԻՐ, ՏԱՐԲԵՐՎԻՐ

ԱՐՎԵՍՏ-ը խաղ – գիրք է, որի միջոցով երեխան կհայտնվի հայ 12 հայտնի նկարիչների արվեստանոցում և կբացահայտի աշխարհը նկարչի աչքերով։ Առաջարկվող հինգ տարբեր խաղային ձևերի միջոցով երեխան հեշտությամբ կմտապահի նկարիչներին և նրանց հայտնի ստեղծագործությունները, առավել մոտիկից կուսումնասիրի յուրաքանրյուր նկար, կծանոթանա արվեստագետի ուրույն գույներին և ոճին, կճանաչի նկարչական ժանրերը։ Խաղին կից պատկերավոր գրքույկը ուշագրավ տեղեկություններ կհաղորդի յուրաքանչյուր նկարչի թե՛ կենսագրության, թե՛ ոճի վերաբերյալ։

ԱՐՎԵՍՏ-ը հրաշալի նվեր է ձեր երեխայի համար՝ խթանելու նրա` հայ արվեստի հանդեպ հետաքրքրությունը, գեղագիտական ճաշակի ձևավորումը, նկարների, գույների ճիշտ ընկալումն ու երևակայությունը։

Առկա է

Փաթեթի պարունակություն

94 խաղաքարտ + գիրք (40 էջ)

Տարիք

5 տարեկանից բարձր

ԱՐՎԵՍՏ-ը խաղ-գիրք է, որը ներառում է 12 հայ նկարիչների (Հակոբ Հովնաթանյան, Հովհաննես Այվազովսկի, Գևորգ Բաշինջաղյան, Վարդգես Սուրենյանց, Մարտիրոս Սարյան, Երվանդ Քոչար, Հարություն Կալենց, Հակոբ Հակոբյան, Սերգեյ Փարաջանով, Գրիգոր Խանջյան, Մինաս Ավետիսյան, Աշոտ Հովհաննիսյան) առավել հայտնի ստեղծագործությունները պատկերող խաղաքարտեր՝ երեխաների հետ թե խմբային, թե անհատական խաղեր կազմակերպելու համար, ինչպես նաև պատկերավոր գրքույկ՝ ուշագրավ տեղեկություններ հաղորդելով յուրաքանչյուր նկարչի, թե՛ կենսագրության, թե՛ ուրույն ոճի, գույնի վերաբերյալ։

ԱՐՎԵՍՏ-ը պարզապես խաղ չէ, այն գեղագիտական ճամփորդություն է, որը վերարժևորում է ստեղծագործ ուսուցման ուղիները և մշակութային կամուրջ հանդիսանում երեխայի մտածողության և արվեստի միջև։

Խաղը կարող է կիրառվել որպես օժանդակ հայալեզու կրթական նյութ նախադպրոցական, դպրոցական և այլ ուսումնական հաստատություններում: Կամ պարզապես օգտագործվել տանը՝ երեխայի գեղագիտական դաստիարակչական առօրյան առավել հագեցած դարձնելու նպատակով։

Բացահայտիի՛ր հայ 12 մեծանուն նկարիչներին և նրանց ստեղծագործությունները՝ 5 տարբեր խաղերի միջոցով․

ԱՐՏ-ԿՈԼԵԿՑԻՈՆԵՐ (9+)
ԱՐՎԵՍՏԱՈՐՍ (8+)
ՆԿԱՐՉԻ ԱՉՔ (6+)
ՆԱԽԱՄԱՐԴ (5+)
ՓՈՔՐԻԿ ՀԱՄԱԴՐՈՂ (5+)

Մեկնաբանություններ